ရန်ကုန်မြို့က Aesthetic Vibe နဲ့ သတ်သတ်လွတ် ကဖေးဆိုင်
ကိုယ်က သတ်သတ်လွတ်သမားတစ်ယောက်ဖြစ်ဖြစ်၊ အသားတွေ စားရတာ ငြီးငွေ့လာလို့ အပြောင်းအလဲလေးဖြစ်အောင် အရသာရှိတဲ့ သတ်သတ်လွတ် မီနူးလေးတွေ မြည်းစမ်းကြည့်ချင်လို့ဖြစ်ဖြစ် ဒီဆိုင်လေးက Hidden Place လေးတစ်ခုပါ။
Click Here > Empire Chemicals
ဆိုင်လေးက အင်းယာမြိုင်လမ်းထဲမှာ ခြံဝန်းလေးနဲ့ တည်ရှိတဲ့အတွက် ဆူညံသံတွေမရှိဘဲ တိတ်တိတ်ဆိတ်ဆိတ်နဲ့ အေးအေးဆေးဆေး ထိုင်ချင်တဲ့သူတွေအတွက် အဆင်ပြေပါတယ်။ ဆိုင်နာမည်လေးက "Nourish Cafe" ဆိုတဲ့အတိုင်း ဆိုင်ရဲ့ မီနူးတွေက သန့်ရှင်းသပ်ရပ်မှုနဲ့ အာဟာရရရှိအောင် အဓိကထား ပြင်ဆင်ပေးထားပါတယ်။
ဆိုင်အပြင်အဆင်ကလည်း အဖြူရောင်လေးတွေ သုံးထားတော့ မျက်စိအေးပြီး သက်တောင့်သက်သာရှိစေပါတယ်။ ဆိုင်ထဲမှာ ပန်းချီလေးတွေ ချိတ်ထားလို့ Art Gallery ထဲ ရောက်နေသလို Vibe မျိုးကို ခံစားရစေမှာပါ။ ခြံဝန်းထဲမှာ အပင်လေးတွေ ရှိပြီး စာအုပ်လေးတွေလည်း ထားပေးထားတော့ ညနေစောင်း မိုးမရွာဘူးဆိုရင် ခြံထဲက ခုံဖြူဖြူလေးတွေမှာ ထိုင်ပြီး Chill လို့ရပါသေးတယ်။
ဆိုင်လေးကို Aesthetic ဆန်ဆန် ပြင်ဆင်ထားတော့ ဓာတ်ဖမ်းဖို့ နေရာလှလှလေးတစ်ခု ထပ်တိုးတာပေါ့။ ကားပါကင်လည်း ကျယ်ကျယ်ဝန်းဝန်းနဲ့ဆိုတော့ မိသားစုနဲ့ဖြစ်ဖြစ်၊ သူငယ်ချင်းတွေနဲ့ဖြစ်ဖြစ် ထိုင်လို့ကောင်းတဲ့ ဆိုင်လေးပါ။
ဒီဆိုင်ထဲမှာ Cafe ဆိုင်လေးအပြင် သတ်သတ်လွတ် အအေးခံ အစားအသောက်တွေ၊ လက်မှုပစ္စည်းတွေ၊ အိတ်တွေ၊ မြန်မာဝတ်စုံလေးတွေ၊ ဆွဲကြိုးနဲ့ နားကပ်လှလှလေးတွေ စတဲ့ ချစ်စရာ လက်ဆောင်ပစ္စည်းလေးတွေ ဝယ်နိုင်တဲ့ Grocery လည်းရှိပါတယ်။ ဒါတင်မကသေး Bliss Beauty Bar ဆိုတဲ့ Spa လည်းရှိတာမို့ Facial Treatment , Body Massage , Manicure , Pedicure , Hair Wash အစရှိတဲ့ အလှအပရေးရာ ဝန်ဆောင်မှုတွေကိုပါ ပြုလုပ်နိုင်ပါတယ်။ ထူးခြားချက်လေးကတော့ Spa မှာ သုံးထားတဲ့ ပစ္စည်းတွေက အကုန် Cruelty Free တွေပါပဲ။ 
ဆိုင်မှာက အနောက်တိုင်း အစားအစာတွေအပြင် မြန်မာ အစားအသောက်တွေပါ ရပါတယ်။ သတ်သတ်လွတ် စားတဲ့သူတွေတင်မဟုတ်ဘဲ ဝိတ်ချနေတဲ့သူတွေအတွက်ပါ အဆင်ပြေစေမယ့် မီနူးတွေလည်း ရှိပါတယ်။ အသားမပါဘဲ အရသာကောင်းအောင် ချက်ထားလို့ အသစ်အဆန်းပုံစံလေး ဖြစ်နေမှာပါ။ သောက်စရာအနေနဲ့ ကော်ဖီအပြင် Fruit Juice, Smoothie နဲ့ Yogurt တို့လည်း ရနိုင်ပါတယ်။
နောက်တစ်ခုက ဆိုင်မှာ ပွဲလေးတွေ လုပ်ချင်တဲ့ သူတွေအတွက်လည်း အဆင်ပြေအောင် သီးသန့်အခန်းလေးတွေ စီစဉ်ပေးပါတယ်။
ဆိုင်လိပ်စာ - ခြံအမှတ် ၃၄၊ အင်းလျားမြိုင်လမ်း၊ Golden Valley၊ ဗဟန်း။ (အင်းလျားမြိုင် ကား Spa အရှေ့)
ဖုန်း - 09 973 802714
